Vinstri og hægri hænsnin sammála!

Nú eru vinstri og hægri hænsnin sammála um að þau skilji ekki útnefningu Obama til friðarverðlauna. Broskall sjálfstæðismanna og óþekkt málpípa V.g. voru í Kastljósi sammála um að þau skildu ekki útnefninguna og sama virðist vera uppi á teningnum hjá blogghænsnunum á mbl.is.

Ég bara botna ekkert í því þegar svona margir eru sammála um eitthvað og þó. Eitt hænsnið enn einhver Mann hjá CNN fréttastofunni hæðist að Nóbelsnefndinni fyrir niðurstöðuna og setur það fyrir sig að eingöngu fimm manneskjur sitji í þessari nefnd. Þessi Mann er ábyggilega hákristilegur maður sem man ekkert hvort það voru fimm eða fimmþúsund sem krossfestu gyðinginn.

Þið verðið bara að fyrirgefa kæru landar, en ég sé ekki neitt athugavert við þessa tilnefningu, maðurinn gæti alltént verið bjartasta vonin og sú von gæti verið einhvers virði. Sadat og Begin skiptu með sér verðlaununum á síðustu öld, við sjáum árangurinn af því í dag.

Ég veit ekki hvort annar er verðugri en hann.

Svona eða svipaða yfirlýsingu minnist ég ekki að hafa séð áður frá forseta Bandaríkjanna, "President Barack Obama on Tuesday praised American Muslims for enriching the nation's culture at a dinner to celebrate the Islamic holy month of Ramadan."

Ef eitthvað er, þá er hann kannski bjartasta friðarvon mannkyns, allt sem fólk í svona stöðu segir er mikilvægara heldur en hænsnagagg.

 

Obama fær friðarverðlaunin